ԹԱՐԳՄԱՆՈՒԹՅՈՒՆ ՀԱՅԵՐԵՆԻՑ ՇՎԵԴԵՐԵՆ
Հարգելի հայրենակիցներ,
Վերջին տարիներին հայ գրականության հանդեպ հետաքրքրությունը օտարերկրյա հրատարակիչների շրջանակում աճել է։ Այս առումով բացառություն չէ նաև Շվեդիան, ուր դեսպանության և հայ գրահրատարակիչների ջանքերով մի շարք նախաձեռնություններ են իրականացվելու։ Սակայն հայերենից շվեդերեն գեղարվեստական թարգմանիչների բացակայությունը շարունակում է լուրջ խոչընդոտ մնալ Շվեդիայում հայ գրականության տարածման հարցում:
Փնտրում ենք ցանկություն, ստեղծագործական ունակություններ և ներուժ ունեցող մարդկանց, ում հետ պատրաստ ենք աշխատել և իրականություն դարձնել հայ հեղինակների գրքերը շվեդերեն հրատարակելու գաղափարը: Աշխատանքները լինելու են վճարովի՝ գեղարվեստական թարգմանության համար ընդունված վարձաչափերի համաձայն։
Գաղափարը նախաձեռնել են Հայ գրականության հիմնադրամը և Հայաստանի գրական թարգմանիչների ասոցիացիան, իսկ Շվեդիայում ՀՀ դեսպանությունը պատրաստ է հնարավորինս աջակցել դրա իրականացմանը:
Եթե տիրապետում եք որոշ հմտությունների հայերենից շվեդերեն գրական ստեղծագործություններ թարգմանելու համար, խնդրում ենք դիմել ՀՀ դեսպանություն հետևյալ էլ. փոստով. armswedenembassy@mfa.am կամ դեսպանության հեռախոսահամարներով:
Խնդրում ենք նաև հնարավորինս տարածել այս գրությունը, հատկապես այն մարդկանց շրջանակում, ովքեր կարող են հետաքրքրված լինել նման աշխատանքով
(կարող եք նաև պարզապես tag անել այս գրառման մեկնաբանություններում)։
ՇՎԵԴԻԱՅՈՒՄ ՀՀ ԴԵՍՊԱՆՈՒԹՅՈՒՆ
No comments:
Post a Comment