Ողջունելով մասնակիցներին, Վրաստանի շախմատի դաշնության փոխնախագահ Զուրաբ Միքաձեն իր խոնարհումը բերեց թբիլիսեցի, աշխարհի չեմպիոն Տիգրան Պետրոսյանի հիշատակին, նշեց որ Վրաստանում նրա հիշատակին մրցույթ անց է կացվել, բայց գավաթի խաղարկություն տեղի չի ունեցել: Փոխնախագահը բարձր գնահատեց «Հայարտուն» կենտրոնի նախաձեռնությունը՝ Տիգրան Պետրոսյանի անվան գավաթի մրցաշար անցկացնել մասին:
Մրցաշարի մասնակիցներին հաջողություններ մաղթեցին շախմատային կոմպոզիցիայի գծով աշխարհի կրկնակի չեմպիոն Դավիթ Ջանոևը, «Հայարտուն» կենտրոնի համակարգող Լևոն Չիդիլյանը:
Համապատասխան վիճակահանությունից հետո բացահայտված 4 խմբերը ձեռնամուխ եղան մրցույթին: Մրցաշարի 1 օրը կիսաեզրափակիչ դուրս եկան երկու մասնակիցներ՝ Թբիլիսիի թիվ 87 դպրոցի 8-րդ դասարանի աշակերտուհի Մարիամ Կաճկաճիշվիլին և Թբիլիսիի Վանո Ջավախիշվիլու անվան պետհամալսարանի իրավաբանական ֆակուլտետի առաջին կուրսի ուսանող Արմեն Վարդանյանը:
Մրցույթի 2 օրը , մայիսի 21-ին, կիսաեզրափակիչում հանդիպումներ կայացան Թբիլիսիի շախմատային դպրոցի սաներ Գիորգի Շաիշմելաշվիլիի և Աննա Մաճավարիանու հետ: Արդեն եզրափակիչում հանդիպեցին Մարիամ Կաճկաճիշվիլին և Արմեն Վարդանյանը: Հետաքրքիր և համառ պայքարից հետո Տիգրան Պետրոսյանի անվան «Հայարտան» գավաթին արժանացավ ուսանող Արմեն Վարդանյանը:
Շնորհավորելով մասնակիցներին և մրցաշարի հաղթողներին, հանդիսավոր պայմաններում, նրանց հանձնվեցին մեդալներ, առաջին տեղը զբաղեցնողին՝ Տիգրան Պետրոսյանի անվան «Հայարտան» գավաթը և նվերներ:
Մասնակիցների խնդրանքով և Վրաստանի շախմատի դաշնության ղեկավարության գործընկերության պատրաստակամությամբ, որոշվեց մրցաշարը դարձնել ավանդական՝ փոխելով մրցույթի ձևաչափը:
No comments:
Post a Comment